قتلوني عيون السود

بيبقى … لابس”جلابية” …ووتحتها بنطالون قصيرلفوق الكراعيب بشبر.. وعم يعرضلنا كراعيبو الشريفة ..
وناتع لحية متل مكنسة زبال البلدية ..يعني لولا شوي رح بتقول أطول من لسانو بشي متر

منظر … يعني زي ما بقولو ” متل يلي طالع من القبر بسند كفالة “.!!

هلأ ..بما انو ما بتعرف الإنسان طالما انو ساكت _ و أنا بشك بهالشي _ لأنو عرفت عنو كتير أشيا وهو ساكت ..
إيه كيف بقى إذا بيحكي ؟؟
يمكن بس يقللك من البداية انو أسمو قتيبة… رح تعرف انو البقية تأتي ……..
ما بعرف .. بس هالاسم يمكن يتهيألك بس تسمعو انو هو بدل على شخص عم يعيش بالقرون الطرفانية ” مو الوسطى ” .

شي عجيب … “جلابية” وبنطالون قصير لفوق الكرعوبة بشبر..بينضاف عليهن خشبة بين السنان ..
مربوطة بحبلة موصولة باللحية مشان يلاقيها بالوقت يلي هو بدو ياه …. غريب شو الوقت الو قيمة عندو !!!
هلأ إذا اجيت لكلامو .. بتلاقيه كلو من نوع “جزاكم الله عنا خيرا”..أو ..”جعله الله في ميزان حسناتك”..أو
.. “وعليكم سلام الله ورحماته وبركاته “
ويمكن اذا قلتلوا كلمة وعجبتو ..يعبر عن اعجابو فيها بقولو “لا فض الله فاك ” وفي رواية أخرى “فوك” .
الأضرب من هيك لما يكون مخلص شرب نص سطل اللبن بعد صحن رز الكبسة يلي آكلو
وعم يمسح لحيتو بكمو وهو عم يتحفنا بمقولتو الشهيرة ” اكل طعامكم الابرار وصلت عليكم الملائكة وذكركم الله في ملئ عنده “.

يعني ما بعرف هالفصاحة كلها منين بيجيبوها ..يعني الله يرحمو father black internationalلو كان عايش هلأ ما بظنوا رح يحكي بهالاسلوب هاد .
شبها اللهجة العامية يا خيي؟؟ ..يعني ليش ما بتسمع أصالة هي وعم تقول “خليك طبيعي مثلنا”..شو كتير فرحان بلهجة قريش؟؟

بيتهيئلي انو أي سكران رح يسمعو عم يحكي بالفصحى رح يقللو فورا “أخرج إلى الداخل يا قتيبة وإلا قطعت رأسك مرة أخرى “.

.. ما كل العالم عم تحكي بالعامية…شو هو أحسن منهن ولا المهم انو تكون حكمتو اليومية “الى الوراء در” ؟.
شب متل هاد عم يحكي بالفصحى بين العالم كأنو وكيلها الحصري ..
ما فيك تشبهو غير بعسكري عم يجرب أسلوب المسير بالنظام المنضم بسوق الحميدية…!!

طبعا هلأ فيك تتخيل كيف عم يطلع صوتو هو وعم بقول “أح”..”تنين” والسياح الاجانب معبيين السوق
وصحاب هالمحلات عم يضحكوا عليه ويتسلوا لانو هيك هيك ما في شغل .
وخود بقى اذا فكر يعمل “يمين در” مشان يروح عالبزورية ..وبعد ما اتخذ قرارو.. يطلع بوشو صبي التوصيلات
تبع مطعم ابو العز ..ويتفركشو ببعض .. وتطير صواني الفول والتسقية وتوصل عالمناخلية .. وشوف بقى شو بدها تعمل العالم فيه..
هو مزبوط … اخت يلي بتجه بنت وبسميها بكاسيني
بس الله يلعن كل مين بيجيه صبي وبسميه قتيبة …. وخود بقى إذا كان أبوه مسلم .. وجدو باهلي .

ساعة غروب

مشينا والأحلام تشري أمانينا

كالطير تغدو في سما ليالينا

وبتنا نقدّ الآه في أفواهنا

فتغيب الشمس في رؤيا معانينا

حملنا الدنيا على ظهورنا..فأحدبت

وفوق الأرض قد طالت خطاوينا

ولجنا القمح وفي العينين أشواق

تعود بنا إلى صغرى مآسينا

ورحنا تكاد الشمس تنسانا

والليل أقبل …والظلمات تغرينا

جلسنا والسنابل تخفي هموما

وقام الساقي بالقراب ..يسقينا

..زيتونة السلام فوق رؤوسنا

وسلاح الحرب بين أيدينا

وتميل علينا الريح بأطيب نسمة

حتى ظننا بأن الله يواسينا

فتأخذنا الهموم بعيدا..وتذرونا

فما نظن بأن الدنيا تعنينا

ويهل علينا هلال الليل محزونا

كأنه في الخصر ذاق سكينا

اليوم قد تاهت بكم سبل

وذبتم وجدا …وشردتم عناوينا

غدا تعود الدنيا بين أيديكم

وتغدو الريح ..إن طالت (قوانينا).

إلى كل الساهرين على حدود الوطن يغنّون أمنه بوجدانهم ويناجون الليل بوحدتهم…دمتم ودام الوطن